Aiutammo a cchi se more
’e famme
Aiutiamo chi ha fame
Nutizzie ufficiale r’ ’o Prugramma
Alimentare Munniale nformano ca ncopp’â Terra more
’e famme na perzona ogne 3,6 sicunne e ’o 75% ’e
chisti “case” so’ criature ca teneno meno
’e cinc’anne.
Pare curiuso, e ppoche ’o ssanno, ma ce stà int’â
rezza nu strumiento commeto e gratisse pe ddà na mano
a ttanta ggente ncopp’ô munno.
Pe tramente state ncurzo o state ntallianno pe ve scarrecà
quacche prugramma vuie putite partecipià a n’operazzione
ca vò rà seccurzo ê bbesugnuse.
Abbastarrà ca tastiate int’â rezza ’o
nnerizzo r’ ’o puosto ’e n’organizzazzione
nun guvernativa ca cumbatte contr’ ’a famme ntutt’
’o munno:
http://www.thehungersite.com
e vvuie cuntribbuite a ssarvà ’a vita ’e
na criatura. Comm’infatto, ncopp’a paggena ’e
trasuta ’e chistu puosto ce stà nu tasto nummenato
“Donate Free Food” e, ogne vvota che quaccuno ce
tuzzulea c’ ’o sorece, ’e “cumparielle”
ca n’apprufittano pe se fà prubbecetà pavano
ô Prugramma Alimentare Munniale quant’abbasta a
nnutrecà na criatura pe cinche iuorne.
Nzomma, p’ogne tuzzuliata vuie preggiate ddiece magnate
e ncagno ve guardate na tabbella o quacche nzegna d’ ’o
mercato. Stateve accuorte, però, a ttuzzulià na
sola vota ô iuorno p’ogne computerre e arricurdateve
ca putite fà sta cosa tutt’ ’e iuorne. E
che ppriezza po si stu sullievo s’ ’a mettono a
ddà pure ’e pariente e ll’amice vuoste!
Notizie ufficiali del Programma Alimentare
Mondiale informano che sulla Terra muore per fame una persona
ogni 3,6 secondi e il 75% di questi “casi” sono
bambini al di sotto dei cinque anni. Sembra strano, e pochi
lo sanno, ma c’è in rete uno strumento comodo e
gratuito per aiutare molta gente al mondo. Mentre state navigando
o indugiate scaricandovi un programma voi potete partecipare
a un’operazione che intende dar soccorso ai bisognosi.
Basterà che clicchiate in rete all’indirizzo del
sito di un’organizzazione non governativa che combatte
contro la fame in tutto il mondo: http://www.thehungersite.com
e voi contribuite a salvare la vita di un bambino. Sulla
pagina d’accesso di questo sito, infatti, vi è
un tasto denominato “Donate Free Food” e, ogni volta
che qualcuno clicca con il mouse, gli sponsor che ne approfittano
per fare la loro pubblicità pagano al Programma Alimentare
Mondiale quanto basta a nutrire un bambino per 5 giorni. Insomma,
per ogni clic voi garantite dieci pasti e in cambio vi guardate
uno spot o qualche scritta del mercato. Fate attenzione, però,
a cliccare una sola volta al giorno per computer e ricordate
che potete ripetere la cosa tutti i giorni. E che gioia se poi
quest’aiuto lo daranno pure i vostri parenti e amici.
Pe ssarvà ’e ffureste e
vvencere ll’effetto serra
Per salvare le foreste e lottare contro l’effetto
serra
Si cuntinuammo tutte quante,
chi cchiù chi meno, a mpestà ’o pianeta
a pparo ’e comme avimmo fatto nfin’a mmo cu strafuttenza,
ll’effetto serra scarfarrà ’a Terra a ttale
punto ’a ce lassà senz’acqua, sia putabbele
ca pe ll’arracquatura. Ll’arbere ce aiutano pecché
teneno ’a capacetà ’e assurbì annedrite
cravonica e ppruducere ussiggeno, rallentanno accussì
ll’effetto serra. Propio pe cchesto s’hanno ’a
defennere ’e ffureste e mmo tenimmo na manera p’
’o ffà a mmanese.
S’è miso dint’â rezza ’o puosto
r’ ’e ffureste chiuviale e abbasta che tastiate
’o nnerizzo http://www.therainforestsite.com
pe stà sempe nfurmate e si po vuie cuntinuate ncopp’ô
bbuttone “Donate Land – Free” assicurate na
cosa ’e sorde p’accattà nu poco ’e
terra e pputé sarvà accussì quacc’arbero
r’ ’a fascia equaturiale r’ ’a speculazzione
nnustriale. Siccomme ’o munno nun è dd’ ’o
nuosto, e ll’avimmo lassà cu na bbona salute a
quante venarranno appriesso, è ’o caso ’e
ricere a ppariente e amice ’e fà ll’istessa
cosa tutt’ ’e iuorne e pe na vota sola, accussì
comm’è accunzentito r’ ’o sistema r’
’e cumpare ca nce fanno ’a prubbecetà.
Se continuiamo tutti quanti, chi più
chi meno, ad inquinare il pianeta nella stessa misura con cui
abbiamo disinvoltamente proceduto fino ad ora, l’effetto
serra riscalderà la Terra al punto da lasciarci senz’acqua,
sia potabile che per l’irrigazione. Gli alberi ci aiutano
perché hanno la capacità di assorbire anidride
carbonica e produrre ossigeno, rallentando cosí l’effetto
serra. Proprio per questo si devono difendere le foreste ed
ora abbiamo un modo per farlo a portata d’una mano.
Si è messo in rete il sito delle foreste pluviali e basta
che clicchiate l’indirizzo http://www.therainforestsite.com
per essere sempre informati e se poi continuate sul
pulsante “Donate Land – Free” assicurate un
po’ di soldi per comprare della terra e poter così
salvare alcuni alberi della fascia equatoriale dalla speculazione
industriale. Poiché il mondo non è nostro, e dobbiamo
lasciarlo in buona salute per coloro che verranno in seguito,
è il caso di convincere parenti e amici a far la stessa
cosa tutti i giorni e per una volta sola, così come è
consentito dal sistema degli sponsor che ci mettono la pubblicità.
Un altro sito per salvare le foreste è: http://rainforest.care2.com
Iusto pe ve tené
nfurmate, è bbuono assapé ca sulo rint’ê
ffureste r’ ’a Costarica campano 205 specie ’e
mammifere, 845 ’e aucielle e 10.000 varietà reverze
’e chiante. ’O bbacino ’e ll’Amazzonia
tene ’a sulo ’e ruie tierze ’e tutta ll’acqua
roce r’ ’o pianeta. Tanta forme ’e vita nce
stanno int’â furesta chiuviale che nun se so’
putute ancora classificà tutte ll’essere viviente
ca cuntene. Pò sservì tené a mmente c’
’o 35/40% ’e tutt’ ’e ssustanze mmericinale
vene r’ ’e ffureste chiuviale e ccà se trova
pure ’o 70% r’ ’e qquase tremila chiante ca
s’ausano p’ ’a lotta contro ogne tummore.
Giusto per darvi alcune informazioni, è bene sapere che
nelle sole foreste della Costarica vivono 205 specie di mammiferi,
845 di uccelli e 10.000 varietà diverse di piante. Il
bacino del fiume delle Amazzonico ha da solo i due terzi di
tutta l’acqua dolce del pianeta. Tante forme di vita stanno
nella foresta pluviale che non si è ancora riusciti a
classificare tutti gli esseri viventi che contiene.
Può essere utile ricordare che il 35/40% di tutte le
sostanze medicinali ha origine nelle foreste pluviali e che
qui si trova pure il 70% delle circa tremila piante utilizzate
nella lotta contro ogni tumore.
------------------------------------------------------------------------
Tuorne ’a
paggena ’e trasuta
